Kvika frá Akranesi

IS1994235026

F: Kveikur frá Miðsitju (8.25)

M: Rakel frá Akranesi (7.8)

Kvika hlaut heiðursverðlaun fyrir afkvæmi árið 2012. 

​

Dómsorð: 

Kvika frá Akranesi gefur stór og glæsileg hross. Höfuð er frítt og skarpt með vel opin augu. Hálsinn er langur, grannur og hátt settur við háar herðar. Bakið er breitt en lendin í grófara lagi. Samræmið er úrval, afkvæmin eru léttbyggð og fótahá. Fætur eru prúðir og liðir sverir og sinar öflugar en sinaskil síðri. Réttleiki er þokkalegur. Hófar eru frábærir að allri gerð, djúpir, vel lagaðir og efnisþykkir. Prúðleiki er misjafn. 

Kvika gefur taktgott og mjúkt tölt en brokkið er fjórtaktað og fremur ferðlítið. Skeiðgeta afkvæmanna er prýðileg og skeiðið bæði takthreint og öruggt. Viljinn er ásækinn en þjáll og afkvæmin fara vel. Kvika frá Akranesi gefur fríð, hálsgrönn og léttbyggð alhliða ganghross, skeiðið best. Kvika hlýtur heiðursverðlaun fyrir afkvæmi.

AFKVÆMI