Skaginn frá Skipaskaga

IS2009101044

F: Álfur frá Selfossi (8.46)

M: Assa frá Akranesi (8.31)

Skaginn hlaut fyrstu verðlaun fyrir afkvæmi árið 2020. 

​

Dómsorð fyrir Skaginn: 

Skaginn frá Skipaskaga gefur afar stór hross með frítt og fínlegt höfuð. Frambyggingin er úrval, hálsinn er reistur, langur og fínlegur, með klipna kverk og háar herðar. Bakið er breitt og lendin öflug en frambakið mætti stundum vera hærra. Afkvæmin er stórmyndarleg á velli; afar fótahá og léttbyggð með sívalan bol. Fætur eru þurrir með öflugar sinar, hófar eru efnisgóðir með þykka hæla og prúðleiki er góður. 

Afkvæmin eru yfirleitt alhliðageng, takthrein og skrefmikil á tölti, brokkið er skrefmikið en ferðlítið. Skeiðið er takthreint og öruggt, stökkið teygjugott og hreyfingamikið en mætti vera svifmeira, fetið er yfirleitt takthreint. Afkvæmin eru viljug, þjál og yfirveguð, þau eru reist og hágeng og fara vel í reið. Skaginn gefur stórglæsileg, reist og aðgengileg alhliða hross, hann hlýtur fyrstu verðlaun fyrir afkvæmi og fyrsta sætið.

Myndband af Skaganum

AFKVÆMI

Afkvæmi Skagans sem við höfum ræktað eða átt.